Құрамаға лайықты құрмет

Астанада Үкімет үйінде бірінші вице-премьер Өмірзақ Шөкеев Қыс­қы Азия ойындарының жүлдегерлерімен кездесті. Кездесуге Алексей Полторанин, Николай Чеботько, Сергей Черепанов, Евгений Величко, Светлана Малахова, Оксана Яцкая, Елена Коломина, Анастасия Слонова, бапкерлерден Сергей Тишков, Сергей Сны­тин, Александр Батяйкин қатысты. Осы жерде Ө.Шөкеев Шаңғы федерациясының президенті ретінде ұлттық құраманың Азиадада көрсеткен нәти­жесіне жоғары баға беретінін, 12 медаль жиынтығы сарап­қа салынған жарыста отандастарымыздың 6 алтын, 5 кү­міс, 4 қола медаль жеңіп алуы Қазақстан спорты үшін үлкен оқиға болғанын айтып, жүлдегерлердің әрқай­сы­сына 10 мың АҚШ доллар көлемінде ақшалай сыйлық табыс етті. Осыдан кейін бапкерлер және спортшылар атынан сөз сөйлеген Александр Батяйкин федерация басшылығына алғысын білдірді. Мұнда ол федерацияның қолдауы арқа­сында шаңғышылардың үлкен жетістіктерге жетіп жүр­генін айтып, енді ұлттық құраманың 21 ақпанда Норве­гия­ның Осло қаласында өтетін әлем чемпио­натына қатысатынын тіл­ге тиек етті. Оның айтуынша, бұл сында  алты-алты спорт­шыдан құралған ерлер мен әйел­дер командасы өнер көрсетеді. Олардың арасында 15 ша­қырымдық классикалық жүрісте А.Полторанин мен Н.Чеботькоға көп үміт артылып отыр. Дастан КЕНЖАЛИН.