Түркияның Ширнак провинциясына қарасты Жизра қаласында болған жойқын жарылыстан 9 адам қаза тауып, 64 тұрғын түрлі дене жарақатын алды. Тәртіп сақшыларының айтуынша, жарылыс полицияның бақылау-өткізу бекетінде болған.
Куәгерлер бақылау-өткізу бекетіне мина қойылған автокөліктің баса-көктеп кіргенін мәлімдеді. Айта кетейік, аталған қала Сирия мен Ирак мемлекеттеріне шекаралас орналасқан. Ондағы халықтың басым бөлігі – күрдтер.
Жергілікті билік жарылысты қандай лаңкестік топ ұйымдастырғанын анықтаумен айналысып жатыр.
Талғат РАЙЫМБЕК