Атырау қалалық №2 сотының тергеу судьясы Атырау облысы прокурорының көмекшісін екі ай мерзімге үй қамақта ұстау туралы бұлтартпау шарасына санкция берді.
Атырау облыстық сотының баспасөз қызметі хабарлағандай, күдікті қылмыстық жазасын өтеушілер мен қамауға алынған тұлғалардың құқықтары бұзылмауын қадағалау басқармасында Атырау облысы прокурорының көмекшісі болып жұмыс істеген. Алайда, Бас прокуроратура оған мемлекеттік қызмет пен мемлекеттік басқару мүдделеріне қарсы сыбайлас жемқорлық қылмыстық құқық бұзушылықтарын жасады деп күдік келтіріп отыр.
Сондай-ақ, судья тергеу тобының күдіктіні қызметінен уақытша шеттету туралы өтінішхатын қанағаттандырды.
Жолдасбек ШӨПЕҒҰЛ