Қырғызстанның Чолпон-Ата қаласында Көшпелілердің бүкіләлемдік екінші ойындарының ашылатын уақытына санаулы минуттар қалды. Ол Бішкек уақыты бойынша сағат 20:30-да (Астанада да солай) басталады.
АКИpress порталының хабарлауынша, Ойындарға келген спорт делегацияларының саны соңғы мезетте 62-ге жеткен. Ал бұдан бұрынғы болжамда 53 елден өкілдер келетіні айтылғанымен, 41 мемлекеттен спортшылар келіп жеткені хабарланған болатын.
Сол сияқты бүгін Ойындарда таяк тартыш (мас-рестлинг) пен тогуз коргоол (тоғызқұмалақ) бойынша сайыстардың басталып кеткені де хабарланды.
Дамир ҚОЖАМҚҰЛ