Алматы халықаралық әуежайының президенті Гокер Косе Қазақстан Республикасының Көлік министрі Нұрлан Сауранбаев пен Алматы әкімінің бірінші орынбасары Алмасхан Сматлаевқа әуежайды ауқымды жаңғырту жобасының жүзеге асу барысын таныстырды, деп хабарлайды Egemen.kz.
Жұмыс сапары ішкі рейстер терминалынан (Т1) басталды. Мұнда кешенді жаңарту жұмыстары қолға алынған. Делегация жолаушыларды тіркеу және жүк беру аймақтарындағы өзгерістермен танысты. Әуежай басшысының айтуынша, терминалды жаңғырту биыл шілде айында аяқталады деп жоспарланған.
Алматы әуежайындағы автотұрақтар кеңейтіледі
Сондай-ақ, автотұрақты кеңейту және әуежай аумағында қонақ үй кешенін салуға арналған жер теліміне қатысты жоспарлар ұсынылды.