2020 жылға дейін Астана қаласында 100 балабақша ашылады. Бұл туралы бүгін Астана қаласы Білім басқармасының басшысы Қасымхан Сенғазыев мəлім етті.
«Қазір Астана қаласы бойынша 25 мыңнан аса бала кезекте тұр. 3-6 жас аралығындағы балалардың балабақшамен қамтылу деңгейі 70,2 пайызға жетті. 2020 жылға дейін мемлекеттік-жекеменшік əріптестік аясында 100-ден аса балабақша ашамыз», - деді Қ.Сенғазыев.
Айта кетейік, басқарма басшысы атап өткендей, Астана қаласы бойынша 2016 жылы 44 жекеменшік балабақша ашылған. Қазір елордада 116 жекеменшік балабақша бар.