Алтын көріп, жолдан тайды

Степногор қаласындағы Ақсу жұмысшы кентінде полиция қызметкерлері құрамында алтыны бар кенді өңдейтін жасырын цехты анықтады. Облыстық ІІД баспасөз қыз­меті хабарлағанындай, бұл цех жергілікті тұрғынның шаруа­шылық ауласынан табылған. Кішігірім қорада кенді ұнтақ­тайтын, оны жуып-шаятын жаб­дықтар мен электр қозғалтқыш орнатылыпты. Тәртіп сақшылары цехтың 33 жастағы иесін «жұ­мыс» барысында құрықтаған. Қазіргі күні аталған оқиғаға байланысты ҚР ҚК 334-бабының 1-бөлімімен (кен байлығын өз бетінше пайдалану) қылмыстық іс қозғалды. Ендігі жерде қыл­мыскер 500 айлық есеп (135 миллион теңге) көлемінде айыппұл төлеуі немесе 90 тәулікке қамауға алынуы мүмкін. Ендеше, 33 жас­тағы зіңгіттей жігітті әйгілі ма­қал тіркесіндегі «періште» деуі­мізге де келмейтіндей. Жалпы, оңай олжаға кенелгісі келетіндер қатары азаятын емес. Олай деуімізге, былтыр полицейлер 6500 заңсыз «кеншіні» ұс­тап, құрамында алтыны бар кен­ді өңдейтін 29 шағын цехтың жұмысын тоқтатқаны және сауда айналымына шығарылған 20 тонна алтын кенін тәркілегені негіз болады. Сондай-ақ, шах­та­лардың терең қойнауына түсуге мүмкіндік беретін 16 жасырын ойық табылған. Әрине, бұл оқиғалар бойынша 100-ден астам қылмыстық іс қозғалған. Жазаларын өтеп жатқан жастар қаншама десеңіз-­ші. Анықталмағандары да бар  де­сек, ешкім таласа қоймас. Сон­да, бізде шынайы періштелер жоқ болғаны ма? Бақберген АМАЛБЕК, журналист Ақмола облысы