Қазақстандық кәсіпқой боксшы Қанат Исламның (22-0, 18 КО) келесі қарсыласы анықталды. Бұл туралы vesti.kz хабарлады.
Ислам бұл жолы бразилиялық Робсон Ассиспен жұдырықтасады. Ол бүгінге дейін 16 кездесуде жеңіске жетіп, үшеуінде есе жіберген. Сондай-ақ, 9 жекпе-жегінде қарсыласын нокаутқа жіберіп, уақытынан бұрын аяқтаған.
Бұған дейін 17 ақпан күні АҚШ-тың Делавэр штатындағы Уилмингтон қаласында қазақстандық боксшы кіші Рой Джонстың кешінде андеркарт ретінде қатысатыны хабарланған. Айқас 10 раундтық форматта өтеді.