Британдық музыкант Пол Маккартни Sony/ATV басылымын The Beatles тобы үшін жазған авторлық әндеріне өз құқығын қайтару үшін сотқа берді, деп жазады The Hollywood Reporter.
Талап-арызда Маккартни Джон Леннон және ұжымның өзге де мүшелерімен бірлесе жазған композицияларын тізіп көрсеткен.
Естеріңізге сала кетейік, The Beatles тобының Yesterday, Hey Jude және Let It Be секілді хиттерінің авторлық құқығын поп-музыкант Майкл Джексон сатып алған еді. Ал 2009 жылы Джексон қайтыс болғаннан кейін композицияға Sony/ATV басылымы ие болып қалған.
Ал өз кезегінде басылым музыканттың талап-арызын жөнсіз санап отыр.