Қызылорда қаласы әкімінің №308 өкімімен Әбсұлтанов Қайрат Байғабылұлы қалалық коммуналдық шаруашылық, жолаушылар көлігі және автомобиль жолдары бөлімінің басшысы болып тағайындалды. Бұл туралы қала әкімдігі хабарлады.
Қайрат Байғабылұлы – жоғары білімді. Технолог және қаржыгер мамандықтары бойынша білім алған.
Еңбек жолын Жалағаш аудандық статистика бөлімінің маманы ретінде бастап, бөлім басшысы, облыстық статистика басқармасы басшысының орынбасары, «Темір банк» акционерлік қоғамы Қазалы аудандық филиалының басшысы лауазымдарын атқарған. 2011 жылдан бүгінге дейін қалалық тұрғын үй коммуналдық шаруашылық және тұрғын үй инспекциясы бөлімінің сектор меңгерушісі қызметін атқарып келді.