Өзбекстанда ресми сапармен болды

Жақында Қазақстан халқы Ассамблеясының делегациясы Өзбекстан Республикасында ресми сапармен болды, деп хабарлады осы ведомствоның баспасөз қызметі. Делегация құрамына Қа­зақ­­стан халқы Ассамблеясы Төр­а­ға­сының орынбасар­лары Е.Л.Тоғ­жанов, Р.С.Хал­му­радов, ҚХА Ғылыми-сарап­шы­лық кеңе­сі төрағасының орын­басары, Қа­зақстан Прези­денті жанын­дағы Мемле­кеттік қызмет акаде­миясы Ор­талық Азия өңірін­дегі этно­с­аралық және конфес­сия­­аралық қатынастарды зерт­теу орталығының басшысы А.К.Сә­дуақасова, Қазақ­стан өзбек­тері «Дустлик» қау­ым­­­дас­тығы­ның төр­ағасы И.А.Хашим­жанов, Оң­­түс­­тік Қазақстан облысы мәс­лихатының депутаты Б.И.Ны­­­шанқұлов, сондай-ақ «Қа­зақстан корейлерінің қауым­­­дастығы» ҚБ, «ТАҢ» татар-башқұрт мәдени орта­лығы» ҚБ, «Қазақстан ұйғыр­лары­ның рес­публикалық мәдени орталығы» ҚБ өкілдері кірді. Делегация Өзбекстан Рес­­пуб­­ликасы Парламенті Заң шы­ғару палатасы спикері­нің орынбасары Б.Алиха­нов­пен, Өзбекстан Рес­пуб­ликасы Парламент Сена­ты төрағасының бірінші орын­басары С.Сафаевпен, Өзбек­стан Республикалық интер­на­ционалдық мәдени орталығының директоры Н.Мұхаммадиевпен бірқатар екіжақты кездесулер өткізді. Кездесу барысында Қазақстан мен Өзбекстанның өзара іс-қимыл жасауының өзекті мәселелері, қоғамдық келісім мен түсіністікті қамтамасыз ету, азаматтық бі­ре­­гейлікті нығайту тәжірибесі қара­лып, ынтымақтастықтың жаңа қырлары, сондай-ақ Қазақ­­стан халқы Ассамблеясы мен Өз­бек­стан Республикалық интерна­цио­налдық мәдени орта­лығы арасында меморан­думға қол қою ниеті туралы сөз болды. Өзбекстандағы Қазақ ұлт­тық мәдени орталығының бас­­шы­лығымен және белсен­ді мүше­лерімен кездесу сапардың негізгі іс-шаралары­ның біріне айналды. Оның соңында Қазақстан халқы Ас­самблеясынан сый – ком­пьютерлік техника мен қа­зақстандық авторлардың қазақ мәдениетіне, қоғамдық келісім мен бірлікке арналған кітаптары табыс етілді. Өзбекстанның этномәдени бірлестіктер өкілдері мен сарапшылары ҚХА делега­ция­сының мүшелерімен өткізген дөңгелек үстелде оларға Н.Ә.Назарбаевтың қоғамдық келісім мен жал­пы­ұлт­тық бірліктің қазақстандық моделі таныстырылды, сондай-ақ «Қазақстан-Өзбекстан» дос­тық қоғамын құру туралы уағ­­даластыққа қол жеткізілді. Ын­ты­мақ­тастық бойынша бір­­лескен ғылыми-зерттеу және ағар­тушылық жобаларды дамыту, шекара бойындағы ынты­мақ­тастық, әдебиет алмасу, екі ел жастарына арналған іс-шара­лар өткізу бөлігінде нақты ұсыныстар жасалды.