Шымкент мұнай өңдеу зауытында изомеризация қондырғысының құрылысы аяқталуға жақын, деп хабарлады ҚМГ-ҚМ қоғаммен байланыс қызметі.
«ПетроҚазакстан Ойл Продактс» ЖШС мұнайды қайта өңдеудің жаңа технологиялық желісіндегі маңызды аумақтың құрылысы - шикізатты алдын ала гидротазалау блогы бар изомерация қондырғысын орнату аяқталуға жақын. Бүгінде жоба 95% жүзеге асырылған. Атап айтқанда: 4 500-ден астам сызбалар жетілдірілді (100%), құрылыс алаңына 149 дана жабдықтың 147-сі қойылды, 142 данасы жөндеуден өтті. 9 344 текшеметр іргетас бетондалды (92,2%), металл құрастырылымдарын монтаждау 100% орындалды, құбыр желілерін монтаждау жұмыстары аяқталып келеді (99,6%). Сонымен қатар, изомерациялауды іске қосуға арналған жалпызауыттық шаруашылық нысандардың құрылысы соңғы сатысында тұр, 84% астамы орындалған», - делінген хабарламада.
Нысанды қолданысқа беру 2017 жылдың маусым айына жоспарланған. Изомерацияны қондыру Кеден одағының Техникалық тәртібіне сәйкес К4, К5 классындағы экологиялық бензиндердің жоғары октанды компоненттерін өндіруге арналған.