Қазақстан Президенті Нұрсұлтан Назарбаевтың атына мемлекет, үкімет басшыларынан, халықаралық ұйымдардың жетекшілерінен сайлаудағы жеңісіне байланысты құттықтаулар келіп түсуде.
* * *
Мемлекет басшысы Нұрсұлтан Назарбаевты президенттік сайлаудағы сенімді жеңісімен Чех Республикасының Президенті Вацлав Клаус құттықтады. Құттықтауда былай делінген:
Құрметті Президент мырза,
Сізді Қазақстан Республикасының Президенті қызметіне қайта сайлануыңызбен Чехия азаматтарының және өзімнің атымнан құттықтауға рұхсат етіңіз.
Сізге, құрметті Президент мырза, денсаулық және табыстар тілеймін.
* * *
Мемлекет басшысы Нұрсұлтан Назарбаевты президенттік сайлаудағы сенімді жеңісімен Ұлыбритания және Солтүстік Ирландия Біріккен Корольдігінің Премьер-министрі Дэвид Кэмерон құттықтады. Құттықтауда былай делінген:
Құрметті Президент мырза,
Сіздің Қазақстан Республикасының Президенті қызметіне қайта сайлануыңызға байланысты өзімнің шынайы ниетімді білдіруге рұқсат етіңіз.
Біріккен Корольдік Қазақстанмен мықты, ашық және дамып келе жатқан қатынастарды бағалай біледі. Мен біздің елдеріміздің екіжақты ынтымақтастығының барлық бағыттары бойынша байланысты нығайтуды жалғастыруды тағатсыздана күтемін.
* * *
Мемлекет басшысы Нұрсұлтан Назарбаевты президенттік сайлаудағы сенімді жеңісімен және ұлықтау рәсімінің өтуімен Бельгия Королі Альберт II құттықтады. Құттықтауда былай делінген:
Құрметті Президент мырза,
Сіздің Қазақстан Республикасының Президенті ретіндегі мандатқа қайта ие болуыңызға арналған ұлықтау рәсімінің өтуіне байланысты құттықтауымды, сондай-ақ Өз өкілеттігіңізді іске асыруда ең игі тілегімді білдіргім келеді.
Барлық қазақстандықтарға шын көңіліммен бейбітшілік, келісім және игілік тілеймін.
* * *
Мемлекет басшысы Нұрсұлтан Назарбаевты президенттік сайлаудағы тамаша жеңісімен Бруней Мемлекетінің Сұлтаны Даруссалам Хассанал Болкиях құттықтады. Құттықтауда былай делінген:
Жоғары мәртебелі,
Сізді Қазақстан Республикасы Президентінің қызметіне қайта сайлануыңызбен құттықтауға рұқсат етіңіз. Біздің екіжақты қатынастарымыз, сондай-ақ ИКҰ аясындағы ынтымақтастық алда да дамитынына сенемін.
* * *
Мемлекет басшысы Нұрсұлтан Назарбаевты президенттік сайлаудағы тамаша жеңісімен Сауд Арабиясының Королі Абдалла Бен Абдел Азиз Әл Сауд құттықтады. Құттықтауда былай делінген:
Құрметті Президент мырза,
Сіздің президенттік сайлаудағы жеңісіңізге байланысты Сауд Арабиясы Корольдігінің үкіметі мен халқының және жеке өзімнің атымнан Сізге шын ниетті құттықтауымды, сондай-ақ Сізге, Жоғары мәртебелі, зор денсаулық пен бақыт, достас Қазақстан халқына одан әрі гүлдену мен прогресс тілеген игі тілегімді жолдағаным үшін қуаныштымын.
* * *
Мемлекет басшысы Нұрсұлтан Назарбаевты президенттік сайлаудағы теңдессіз жеңісімен Сауд Арабиясы Корольдігі Премьер-министрінің орынбасары, тақ мұрагері Сұлтан Бен Абдел Азиз Әл Сауд та құттықтады.