Келешегімізді айқындаған стратегия

Сонымен қоса, Қазақстан Рес­пуб­ликасы Тәуелсіздігінің ширек ға­сыры – Еуразия жүрегіндегі Ұлы Да­лада жазылған мыңжылдық та­рихтың жаңа дәуіріне айналды. Ос­ы жетістіктердің барлығының не­­гізінде халқымыздың бір ша­ңы­рақтың астында тату-тәтті өмір сү­руі мен бірлігі Елбасының ерен ең­бегінің саясатының арқасында. 

Тәуелсіздігіміздің 25 жылын­да қол жеткізген табыстарымыз бен жетістіктерімізді бүкіл әлем­ге паш еттік және оны әлем жо­ғары бағалап келеді. Оның дә­ле­лі – 2017 жылдың басынан Қазақ­с­тан

Біріккен Ұлттар Ұйымы Қау­іп­­сіздік Кеңесінің тұрақты емес мү­шесі болды. Биыл Астанада ЭКСПО-2017 халықаралық көр­­­месі өткелі отыр және тағы бас­­қа жет­істіктерді айтуға мүм­кін­дік бар. Осының барлығы Қа­зақ­­­­стан­ның халықаралық аренада жо­ғары беделге ие болғанын жә­не саясатымыздың дұрыстығын көр­­сетеді.

Қазақстан 2050 жылға қарай әлем­дегі ең озық 30 мемлекеттің қа­тарына қосылуға тиіс. Біз осы мақ­сатқа қарай табандылықпен іл­герілей береміз. Ал жаһандық бә­се­келестіктің өсуі және әлемдегі тұ­рақ­­сыздық жағдайында 2012 жылы Ел­басының халқымызға ұсынған «Қазақстан-2050» Стратегиясының өзектілігі арта түседі. Бұл стратегия біз қиындықтарды уақтылы болжай алғанымызды көрсетті.

«Нұрлы жол» экономикалық сая­сатының және «100 нақты қа­дам» Ұлт жоспарының нәтижесінде осы­нау қиын, жаһандық тран­с­фор­ма­цияның алғашқы кезеңінен

лай­ықты өтіп келеміз. Тек 2014-2016 жыл­дар аралығында эконо­миканы қол­дауға қосымша 1,7 триллион тең­ге жұмсалды. Мұның бар­лығы эко­номикалық өсімді жә­не биз­нес­ті қолдауға, 200 мың­нан ас­там жа­ңа жұмыс орындарын ашу­ға мүм­кін­дік берді.

Елбасының Қазақстан халқына жаңа дәуір қарсаңында арнаған «Қазақстанның Үшінші жаңғыруы: жа­һандық бәсекеге қабілеттілік» Жол­дауында да айтылған бірінші ба­сымдық – экономиканы же­дел­де­тіл­ген технологиялық жаңғырту.

Бүгінгі жаһандық дамуда бә­се­кег­е қабілеттілік – ең басты қару. Дәу­іріміздегі жаңа жаһандық қа­терлерге қарсы мемлекеттің бә­с­е­­ке­лестігін арттыру арқылы кез кел­ген мемлекет жаңа индус­трия­лан­дырудың жаһандық үдерісіне қо­сыла алады. Осы ретте, көптеген да­мыған елдердің тәжірбиесін қарастыра отырып, экономиканы ынталандыру үшін жаңа технологиялар енгізудің маңызын сезетін едік. Яғни, соңғы жылдары шапшаң дамып жатқан интернет саудалары, энергия үнемді желілер, транзакция-

ларды жүзеге асыру бағытындағы мобильді қосымшалар және тағы басқалары ең үлкен басымдыққа ие болып отыр. Ендеше, бәсекеге қабілеттіліктің өзегі де осында.

Елбасы Жолдауында бұл ба­сым­дықтың өзі бірқатар мін­дет­терді қамтыды. Атап айт­қан­да, бі­­­рін­­ші міндет – цифр­лық тех­­но­ло­гия­­­ны қолдану ар­қы­лы құ­­ры­ла­тын жа­­ңа индустрияларды өр­­кен­дету.

Әлемдік деңгейдегі білім беру мен денсаулық сақтау жүйелерін қа­лыптастырмай, Үшінші жаң­ғы­руды жүзеге асыру еш мүмкін емес. Бұл ретте, жаһандық жаңа қа­терлерге қарсы адами капитал­ды да сапалы дамыту қажет. Ал адами капиталдың өзегі – бі­лім. Бі­лім – болашақ дамудың ке­пі­лі. Сондықтан да, Елбасы бұл ба­­­сымдық бойынша білім беру жүйе­сінің рөлін өзгертуді көздеп отыр. Білім арқылы бәсекеге түсу, бі­лім арқылы озу – қай жағынан алғанда маңызды. Өйткені, ғылым дамымай, дүние дамымайтыны баршамызға аян.

Осы жерде, басты міндет – бі­лім беруді экономикалық өсудің жа­ңа моделінің орталық буынына ай­налдыру. Президент білім саласын дамыту туралы айтқанда, оқыту бағдарламаларын сыни ойлау қабілетін және өз бетімен іздену дағдыларын дамытуға бағыттауды, IT-білімді, қаржылық сауаттылықты қалыптастыруға, ұлт­жандылықты дамытуға баса кө­ңіл бөлу керектігін алға тартты. Ен­ді қала мен ауыл мектептері арасындағы білім беру сапасының алшақтығын азайту керек. Ал Үкі­метке үш тілді оқуға кезең-ке­зең­мен көшу мәселесі бойынша ұсыныстар әзірлеу жүктелді.

Адами капиталды дамыту­да ұрпақ саулығы да ерекше рөл атқарады. Яғни, ұрпақ сау­лы­ғы – ұлт саулығы. Осы рет­те, Елбасы биылғы 1 шіл­де­ден мем­ле­кеттің, жұмыс беру­ші­лер­дің, аза­мат­тар­дың ортақ жау­ап­­ке­р­ші­лігіне не­гізделген мін­дет­ті ме­дициналық сақ­тандыру жүй­е­сі ен­гізілетінін, ол жүйенің тиім­ді­лігі әлемдік тә­жі­рибе арқылы дә­лел­денгенін баса айт­ты.

Әлеуметтік қамтамасыз ету са­ласы да басты назарда болмақ. Атап айтқанда, 2017 жылғы 1 шіл­деден бастап 2,1 миллион зей­неткер үшін зейнетақы 2016 жы­л­ғы деңгейден 20%-ға дейін ар­тады. Бұдан бөлек, базалық зей­нет­ақы тағайындау 2018 жылғы 1 шілдеден бастап жаңа әдістеме бойынша жүзеге асырылады. Оның көлемі зейнетақы жүйесіне қатысу өтіліне байланысты бел­гі­ленеді. Осы өсімнің барлығы 2018 жы­лы ба­залық зейнетақының жа­ңа мөл­ше­рін 2017 жылмен са­лыс­ты­р­ғанда 1,8 есе арттыруға мүм­кін­дік береді.

Жолдаудың соңында Мемлекет бас­шысы Үкіметке «Қазақстанның ұлт­тық технологиялық бастамасы» деп аталатын Елді үшінші жаң­ғыр­ту жөніндегі 2025 жылға дей­ін­гі да­мудың стратегиялық жоспарын әзір­леуді тапсырды.

Елбасының биылғы Жолдауы Қазақстан үшін жаңғырудың Үшін­ші кезеңіне көшу арқылы жа­һандық технологиялық бәсе­ке­лестікке ұмтылуға негізделеді. Ұлт­­­тың осындай міндеттерді орын­дау­­ға әзірлігін пысықтайды. Пре­зи­­денттің сөзімен айтсақ, Үшінші жаңғыру – қазіргі жаһандық сын-қа­терлермен күрес жоспары емес, ол болашаққа, «Қазақстан-2050» Стра­тегиясы мақсаттарына бас-

тайтын сенімді көпір болмақ.

Сөзімді қорыта айтқанда, би­ыл­ғы Елбасы Жол­дауы кө­ңі­лі­міз­ге қуат беріп қана қой­май, қа­зақ­стандықтардың өмірін жақ­сар­­та түсуде таңдалған бағыттың бұ­рыс­тығына халықтың сенімін одан әрі нығайта түсетіні анық.

Аллатағала елімізге амандық, жұр­тымызға тыныштық, хал­қы­мызға бірлік пен береке берсін!

Фахриддин ҚАРАТАЕВ, 

Мәжіліс депутаты