Облыстық «Іскер әйелдер» ассоциациясы мен «Аналар» қоғамының бастауымен облыс орталығындағы «Қызылжар» коммуналдық базарында «Аяулы алақан» әлеуметтік дүкені жұмыс істей бастады. Игі шара көп балалы және аз қамтылған отбасыларға материалдық қолдау жасауды діттейді. Облыста алғаш рет ашылған мұндай сауда нүктесі негізінен төрт және одан да көп балалы отбасыларға қызмет етіп, киім-кешектер мен күнделікті қажетті тұрмыстық заттарды тегін үлестіреді.
– Біздің ұсынысымыз қалалық әкімдік, жұмыспен қамту және әлеуметтік бағдарламалар департаменті тарапынан қолдау тауып, іскер жандар мен қайырымды адамдар көмектесті. Алдағы уақытта игілікті істі аудан орталықтарында да жалғастыруды көздеп отырмыз, – дейді ассоциация төрайымы Бақытжан Сәмиева.
Өмір ЕСҚАЛИ,
Солтүстік Қазақстан облысы.