Бұрнағы күні Мәжілісте төртінші парламенттік сессияның аяқталуына орай осы палата аппараты қызметкерлерінің салтанатты жиналысы болып өтті.
Парламент Мәжілісі Төрағасының орынбасары Владимир Бобров депутаттар атынан палата аппаратында қызмет істейтін мемлекеттік қызметшілерді әріптестерім, деп айта келіп, Қазақстанның тұңғыш Президенті – Елбасы Нұрсұлтан Назарбаевтың айқындап берген стратегиялық бағытын заңмен қамтамасыз етуде депутаттар мен Парламент қызметкерлері барлық жұмысты бірлесіп атқарғанын тілге тиек етті.
Мәжіліс Төрағасының орынбасары ризашылығын білдіре тұрып, палата төрағасының атынан бірқатар Парламент қызметкерлеріне Алғыс хат табыс етті.
Мәжіліс аппаратының басшысы Ерген Дошаев та жылы лебізін жеткізіп, алғыс айтты және мемлекеттік қызметшілерге жауапты қызметтерінде абыройлы бола беруіне тілектестігін білдірді.