Кеңестің кезекті отырысы

Кеше Оңалсын Жұмабековтің төр­аға­лығымен Қазақстан Республикасы Жоғары Сот Кеңесінің кезекті отырысы өтті. Кеңес отырысында Республиканың кейбір жергілікті және басқа соттары судьяларының бос қызмет орындарын істерді қарау барысында жүктемені ескере отырып, үйлесімді пайдалану мә­се­лелері, мемлекеттік қызмет жүйе­сін­дегі судьялардың мәртебесі, сондай-ақ сот жүйесіндегі кадрлық мәселелер қарастырылды. Жекелеп алғанда, Жоғарғы Соттың судьясы Еліс Нұрқасымұлы Әбді­қадыров Жоғарғы Соттың азаматтық және әкімшілік істер жөніндегі қада­ғалау сот алқасының төрағасы қыз­метіне тағайындауға Мемлекет басшы­сына ұсынылды. Жоғары Сот Кеңесінің жанындағы Бі­ліктілік комиссиясының құрамына өз­герістер енгізілді, оның төрағасы болып Қазақстан Республикасы Президенті Әкімшілігінің Мемлекеттік-құ­қық бөлімі меңгерушісінің орынбасары Арман Дайырұлы Жұмабеков тағайындалды. Сонымен бірге, орнынан түскен судьяның мәртебесіне нұқсан келтіретін теріс қылық жасағанына байла­ныс­ты Замила Мусифулловна Фат­тахова­ның орнынан түсуін тоқтату туралы ұсыным қабылданды. Қазақстан Республикасы Президенті Әкімшілігінің Мемлекеттік-құқық бөлімі.