Қарағандыдағы Ермеков көшесі бойында сән түзеген көп қабатты тұрғын үйдің біріне тұтасымен мемлекеттік мекеме қызметкерлері отбасылары қоныстанды. 2-3 бөлмелі 70-ке тарта пәтердің кілттерін облыс әкімі Серік Ахметов ата-аналары, жора-жолдастары алдында табыс етті. Олардың қатарында баспаналы болуға үш жыл кезек күткен әскери қызметкер Ардақ Шораев ортақ қуанышқа бөленушілер атынан мемлекеттік қамқорлыққа алғысын жеткізді.
Биыл облыста тұрғын үй құрылысы жоспары асыра орындалып келеді. Өткен бес айда 144 мың шаршы метр жаңа қоныс пайдалануға берілді. Сондай тағы бір үй тәуелсіздік мерекесі қарсаңында есік ашқалы тұр.
Айқын НЕСІПБАЙ, Қарағанды.