Қазақстан Республикасы Парламенті Мәжілісінің вице-спикері Жәнібек Кәрібжанов депутаттар Алияр Жараспаев пен Мұхтар Тінікеев жұмыс сапарымен Қарағанды облысында болып қайтты. Парламентшілер Костенко атындағы шахта лавасына түсіп, көмір өндіру үдерісімен танысты. Шахтерлермен әңгіме кезінде техникалық қауіпсіздік жағдайы, регресниктер туралы қолданыстағы заңнамалардың орындалуы жайлы сөз қозғалды.
Жезқазғанда болу кезінде «Қазақмыс корпороциясы» ЖШC-ның мыс қорыту зауытын аралап көрді. Депутаттар кәсіпорынның қаланың әлеуметтік инфрақұрылымын дамытудағы қолдауына ризалық білдірді. Сонымен қатар, орталық қалалық ауруханада, жақында жаңғыртылған Металлургтер алаңында да болды. Депутаттардың аймақпен танысуы Ұлытау ауданында жалғасып, онда диқандармен кездесті.
Айқын НЕСІПБАЙ,
Қарағанды.