Кеше Мемлекет басшысы Нұрсұлтан Назарбаев Қазақстан Республикасы Конституциясы күніне арналған салтанатты концертке қатысты, деп хабарлады Қазақстан Республикасы Президентінің баспасөз қызметі.
Концерт Тәуелсіздік сарайында өтті. Оған Қазақстанның белгілі өнер шеберлері – Тәттімбет атындағы халық аспаптары академиялық оркестрінің музыканттары, К.Байсейітова атындағы Ұлттық опера және балет театрының симфониялық оркестрі, республикалық және халықаралық конкурстардың лауреаттары, халық әртісі Әлібек Дінішев және тағы басқалары қатысты.