Үздік ақындар марапатталды

Қарағандыда, ел Тәуелсіз­дігінің 25 жылдығына арнал­ған шаралар аясында, мемлекет және қоғам қайраткері, ұлтымыздың ұлы тұлғаларының бірі Жұма­бек Тәшенов жүлдесіне арнал­ған «Жылдың үздік ақыны» облыс­тық мүшәйрасы өткізілді.  Жыр бәйгесін ұйымдас­тыру­шылардың негізгі мақсаты – қилы заманда ел мен жерге қорған болған Жұмабек Тәшенов сынды біртуар қайраткерді кейінгі ұрпаққа үлгі ету және поэзия әле­міндегі жас дарындардың шығар­машылық талпыныстарына қолдау көрсету. Шараға белгілі әнші До­сымжан Таңатаров, танымал айтыскер Дидар Қамиев сынды өнерпаздар арнайы келіп, ән мен жырдан шашу шашты. Жеңімпаз-жүл­дегерлерді ақындардың өздері дауыс беру арқылы анықтады. Нәтижесінде, Жұмабек Тәшенов жүлдесіне «Жыр жауһар» поэзия клубының же­текшісі Жадыра Байбұланова ие болды. Алдын ала келісім бойынша, мүшәйраның ұйым­дастырушылары жақында Жа­дыраның жыр жинағын шығарып бермек. Сонымен қатар, жыр кешінің қорытындысында Айзада Ра­қым­­­жанова («Жылдың үздік сыршыл ақыны»), Алмаз Мыр­захмет («Жыл­дың үздік жазушысы»), Дидар Қамиев («Жыл­дың үздік айтыс­кер ақыны»), Се­рік Сағынтай («Жыл­дың үз­дік қайраткері») тә­різді ақын-жа­зушылар жекелеген аталым­дар бойынша арнайы сый­лықтарға ие болды. Қайрат ӘБІЛДИНОВ, «Егемен Қазақстан» ҚАРАҒАНДЫ