Парламент Сенаты Конституциялық заңнама, сот жүйесі және құқық қорғау органдары комитетінің кеңейтілген отырысында «Қазақстан Республикасы мен Иран Ислам Республикасы арасындағы сотталған адамдарды беру туралы келісімді ратификациялау туралы» заң жобасы қаралды.
2016 жылы 11 сәуірде Тегеранда қол қойылған келісім Иран Ислам Республикасының соттары бас бостандығынан айыруға соттаған Қазақстан Республикасының азаматтарын және Қазақстан Республикасының соттары бас бостандығынан айыруға соттаған Иран Ислам Республикасының азаматтарын одан әрі жазасын өздері азаматы болып табылатын мемлекетте өтеу үшін беру мәселелерін реттейді.
Заң жобасы Сенаттың қарауына жіберілді, деп хабарлады Қазақстан Республикасы Парламенті Сенатының баспасөз қызметі.