Елорда экологиясына теріс антропогендік әсерді азайту мақсатында қоршаған ортаның жағдайына мониторинг жүргізудің кешенді жүйесі құрылуда, коммуналдық автокөлік құралдары газ-мотор отынына көшірілуде, деп мәлім етті қала әкімі Әсет Исекешев сәрсенбі күні елорданы орнықты дамыту бойынша кеңестің отырысында. Бұл туралы әкімдіктің медиа-ресурсы Elorda Aqparat хабарлайды.
«Қоқыс өңдеу саласын жаңғырту және өңдеу тереңдігін ұлғайту жұмыстары шеңберінде заманауи технологияларды ендіру және ҚТҚ өңдеу бағдарламасына халықаралық консультанттарды тарту арқылы қоқыстарды басқарудың интеграцияланған жүйесін құру қарастырылған», - деп хабарлады Әсет Исекешев.