Орта салмақта жұдырықтасатын қазақстандық кәсіпқой боксшы Дәурен Елеусінов Қанат Исламға келесі кездесуіне дайындығына көмектесіп жатыр.
Боксшылар қазіргі уақытта АҚШ-тың Флорида штатындағы Майами қаласындағы залдардың бірінде дайындалып жатыр.
Қанат Ислам келесі кездесуін 17 ақпан күні Уилмингтон қаласында (АҚШ, Делавэр штаты) бразилиялық Робсок Ассиспен жұдырықтасады.
Айта кетейік, Қанат Ислам кәсіпқой бокстағы өзінің соңғы жекпе-жегін 2016 жылдың 29 қазан күні Алматыда өткізіп, төрешілердің шешімі бойынша ганалық боксшы Патрик Аллотейден басым түскен еді.