Астана қаласы денсаулық сақтау басқармасы тұмау мен ЖРВИ-дің екінші толқынына байланысты тұрғындарға дайын болуды ескертті. Бұл туралы фэйсбуктегі парақшасында хабарлады.
«ЖРВИ ауруына шалдыққан адамдармен көп араласқан жағдайда арнайы медициналық масканы тағуды ұмытпау қажет. Жылы бөлмеде көп болған кезде мұрын қуысын ылғалды орамалмен сүрту керек. Эпидемия кезінде далаға шығар кезде мұрынға оксолин майын жағуды да есте сақтаңыздар. Сонымен қатар, аязды кезең басталмай тұрып, бір ай бұрын тұмауға қарсы екпе жасату ұсынылады», – делінген хабарламада.