Көкшетау қаласында жаңа футбол стадионы салынатын болды. Бұл туралы «Оқжетпес» клубының директоры Николай Панин мәлімдеді, деп хабарлады vesti.kz.
«Стадионның жобасы бар. Осы жылдан бастап Көкшетау қаласының Юбилейный ауданында стадионның құрылысы басталады. Қазір стадионды соғуға қанша ақша кететінін дәл айта алмаймын. Стадион сегіз мың жанкүйерге арналып, Копа өзенінің жағасында орналасады. Ол жердің топырағы қатты. Сондықтан жасанды көгал төселеді», – деді Панин.
Қазіргі уақытта «Оқжетпестің» биылғы маусымды қайда бастайтыны белгісіз болып тұр. Егер наурызда «Астана-Арена» стадионының көгалын өзгертетін болса, көкшетаулық команда Премьер-лигадағы ойындарын Щучинск қаласындағы «Жақсы» базасында өткізуі мүмкін.