ҚР Премьер-Министрі Бақытжан Сағынтаев екі күндік жұмыс сапарымен Шығыс Қазақстан облысына келді. Үкімет басшысы өңірдегі жұмыс сапарын Аягөз ауданында орналасқан Ақтоғай тау-кен байыту комбинатын аралаудан бастады.
Нысан жұмысымен танысу барысында Премьер-Министрге комбинат басшылығы нысан құрылысы мен оның даму кезеңдері туралы баяндады. Сонымен қатар Бақытжан Сағынтаевқа кен алу технологиясы жайлы айтылды. Сәл кейінірек сульфид кенін қайта өңдейтін байыту фабрикасында Премьер-Министрге кенді байыту технологиясы таныстырылды.
Бүгін Премьер-Министр облыс орталығындағы бірқатар нысандарды аралайды деп жоспарланған.
Азамат Қасым, "Егемен Қазақстан"