«Astana Proteam» велокомандасы қазақстандық Никита Стальновпен келісімшартқа отырды, деп хабарлады команданың баспасөз қызметі. 25-жасар Стальнов бұған дейін «Astana City» командасының құрамында болған.
2016 жылы Никита "Түркияның Президенттік Турында", "Әзербайжан Турында", "Украина Турында" үшінші келген. Қазақстанның жеке гонкалар чемпионатында қола медаль алған.
- Никита - жас спортшы. Ол өткен кезеңде жақсы нәтижелер көрсетті. Біздің командада ол жақсы кәсіби маман болып, көшбасшылар қатарына қосылады деп үміттенеміз, деді команданың бас менеджері Александр Винокуров.