Қазақстандық боксшы Геннадий Головкин (37-0, 33 КО) мен мексикалық Сауль «Канело» Альварес (49-1-1, 34 КО) арасындағы жекпе-жектің өтетін орны белгілі болды.
«Ресми түрде, «Канело» - Головкин айқасы 16 қыркүйек күні Лас-Вегастағы T-Mobile Arena кешенінде өтетінін хабарлаймын. Жанкүйерлер үшін қызық шоу болады!» деп жазды қазақстандық боксшының промоутері Том Леффлер туиттер парақшасында.
T-Mobile Arena кешенінің сыйымдылығы – 20 мың адам. Головкин осы аренада әрі Лас-Вегаста алғашқы жекпе-жегін өткізбек. Ал мексикалық боксшы 2015 жылы мамырда Амир Ханмен, сондай-ақ отандасы кіші Хулио Сезар Чавеспен айқасты. Бұл қалада ол барлығы 10 жекпе-жегін өткізген.