Облыстық ішкі істер департаментінде республикалық және жергілікті БАҚ өкілдерін марапаттау іс-шарасы өтті.
Онда ОІІД-нің басшысы, полиция генерал-майоры Берік Біләлов журналистер қауымын кәсіби мерекелерімен құттықтап, игі тілегін жеткізді.
Бір топ қалам иелеріне «Қазақстан полициясына – 25 жыл» мерейтойлық төсбелгісі табыс етілді. Баспасөз турының белсенді қатысушылары естелік сыйлықтарға ие болды.
Ал шығармашылық байқаудың қорытындысы үш аталым бойынша шығарылып, жеңімпаздарға бағалы сыйлықтар тарту етілді.
Өмір Есқали, «Егемен Қазақстан»