Аймақ басшысы Даниал Ахметовтің өкімімен Ринат Омаров Шығыс Қазақстан облысы әкімінің орынбасары болып тағайындалды.
Ринат Омаров 1973 жылдың 14 ақпанында Алматы қаласында дүниеге келген. 1998 жылы Қазақ мемлекеттік аграрлық университетін «Экономист-бухгалтер», 2014 жылы Д.Қонаев атындағы Көлік және құқық гуманитарлық университетінің магистратурасын «Электроэнергетика» мамандығы бойынша бітірген.
Еңбек жолын Алматы облыстық статистика басқармасының бюджеттердің статистикасы бөлімінің экономисті ретінде бастаған. Әр жылдары Алматы қаласының әкімдігінде және Астана қаласы әкімі аппаратында қызмет атқарған. Бұған дейін ШҚО Энергетика және тұрғын үй-коммуналдық шаруашылығы басқармасының басшысы болған.
Азамат ҚАСЫМ,
«Егемен Қазақстан»