«Бағдарламаға Қазақстан, ТМД, АҚШ, Германия, Польша, Украина, Беларусь, Иран, Сирия, Египет елдері ғалымдарының 167 жұмысы енді. Конференцияда телекоммуникация мен энергетика саласының өзекті мәселелері талқыланып, желіні басқару, сымсыз технология, интернет-дүниелер (IoT), энерготиімділік, компьютерлік өлшеу технологиясы, сигналдарды өңдеу, робототехника және басқа да салаларға қатысты зерттеулер ұсынылды», деді ұйымдастырушылар. Басқосуда «Қазақстан ғарыш сапары» ұлттық компаниясының вице-президенті Айдын Айымбетов еліміздің ғарыштық технологиялар саласындағы жетістіктері туралы баяндама жасады. Қазақ агротехникалық университетінің ректоры Ақылбек Күрішбаев электроника мен электротехника саласының жетістіктерін ұтымды қолданудың ауыл шаруашылығы саласы үшін ерекше маңызды екенін жеткізді. «Әлемде «smart agriculture» – «ақылды ауыл шаруашылығы» кең тараған. Автоматтандырылған жүйелер бұрын адамдар қолмен істеген еңбегін компьютер арқылы мыңдаған шақырымнан басқаруға мүмкіндік беріп отыр. Мысалы, компьютер адамға қарағанда, жерге қандай тыңайтқыш керектігін, қалай суару керек екенін дәл есептейді. Бұл тыңайтқыштарды қолдануды 30 пайызға азайтуға, өнімнің өзіндік құнын арзандатуға мүмкіндік береді. Әрі қоршаған орта үшін де қауіпсіз», деді университет ректоры. Оның айтуынша, осындай озық технологиялармен танысып, оларды Қазақстан жағдайына бейімдеу үшін ғылыми басқосулардың маңызы зор. Жиыннан соң, SIBCON бағдарламасы аясында «National Instruments» компаниясы дәстүрлі «Компьютерлік өлшеу технологиясы» көрмесі мен симпозиумын ұйымдастырды.
ЭКСПО-2017
•
30 Маусым, 2017
«Ақылды ауыл шаруашылығы»
279 рет
көрсетілді
ЭКСПО-2017 көрмесі аясында Қазақстанда алғаш рет Энергетика жөніндегі XІІІ халықаралық IEEE және Еуразиялық SIBCON-2017 конференциясы өтті. С.Сейфуллин атындағы Қазақ агротехникалық университеті ұйымдастырған шараға әлемнің он мемлекетінен 120-дан аса ғалым қатысты.