Көрнекті жазушы, Қазақстан Республикасы Мемлекеттік сыйлығының лауреаты Сәбит Досанов «Сергей Есенин» медалімен марапатталды. Қазақ қаламгерінің орыстың ұлы ақыны «Сергей Есенин» медалімен марапатталғаны туралы куәлікке ақынның мемлекеттік музей-қорығының директоры Б.И.Иогансон мен Мәскеудегі рязандық жерлестер қауымдастығының төрағасы, Ресей Инженерлік академиясының президенті, Еңбек Ері Б.Н.Гусев қол қойған.
Сәбит Досанов екі жыл бұрын Ресей жазушылар одағының шешімімен Сергей Есенин атындағы сыйлықтың лауреаты атағын алған еді, енді міне, орыстың ғажайып лирик-ақыны құрметіне арналған медальмен марапатталып отыр.