Мемлекет басшысы Нұрсұлтан Назарбаев Түрік Республикасының Президенті Абдулла Гүлге террорлық әрекет құрбандарына байланысты көңіл айту жеделхатын жолдады, деп хабарлады Қазақстан Республикасы Президентінің баспасөз қызметі.
Онда былай делінген: «Юксекова және Чукурджа аудандарындағы террорлық әрекет салдарынан түрік әскерлерінің қаза тапқаны туралы суық хабарды терең күйзеліспен қабыл алдым. Бауырлас Түркияның басынан кешіп отырған осы орны толмас қасіретті Қазақстан халқы да бөліседі. Қазақстан халқының атынан және өз атымнан қаза тапқандардың отбасыларына, туған-туыстарына қайғырып көңіл айтамын».