Сенаттың Халықаралық қатынастар, қорғаныс және қауіпсіздік комитетінде Қазақстан мен Қырғызстан арасындағы өтеусіз әскери-техникалық көмек көрсету туралы үкіметаралық келісімді ратификациялау туралы заң жобасы талқыланды.
Құжатта Қырғызстанға өтеусіз әскери көмек көрсету және бронетранспортерлерді, автомобильдерді және минометтерді беру тәртібі айқындалған.
Келісімнің 6-бабына сәйкес қырғыз тарапы осы келісім шеңберінде Қазақстан тарапынан алған әскери мүлікті немесе оны пайдалану құқығын үшінші тарапқа бермеуге міндеттенеді.
Келісім 2011 жылғы 17 наурызда Астана қаласында жасалды.
Заң жобасы палатаның қарауына жіберілді, деп хабарлады Парламент Сенатының баспасөз қызметі.