Палодарда «Batyr Mall» сауда-ойын-сауық орталығында өңірдегі түрлі конфессиялар өкілдері арасында жыл сайынғы дәстүрлі боулинг турнирі өткізілді.
Турнирге діни бірлестіктері «Ақ мешіт», «Павлодарская община Евангельских Христиан Баптистов», Римско-Католический Приход «Святой Терезы Младенца Иисуса», «Церковь Христиан Адвентистов седьмого дня города Павлодара», Христиан веры евангельской «Церковь Иисуса Христа» командалар қатысты.
Турнирді облыстық Дін істері басқармасының конфессияаралық қарым-қатынастарды талдау және дамыту орталығы ұйымдастырды. Мақсаты – конфессияаралық келісімді нығайту, әр түрлі конфессиялар мен сенімдер өкілдері арасында достық қарым-қатынас орнату, салауатты өмір салтын насихаттау. Турнирге қатысушы боулинг ойыншыларын облыстық Дін басқармасының бастығы Дәулет Зәкәрияновтың құттықтады.
Конфессияаралық қарым-қатынастарды талдау және дамыту орталығының бөлім басшысы Гүлнәз Мақсұтқызының айтуынша, дін қызметкерлерінің спорттық кездесуі-спорт адамдарды біріктіреді. Түрлі конфессиялардың лидерлері қоғамда татулық пен келісімді сақтау- діннің басты мақсаты екендігін көрсету үшін бас қосады. Қандай дінді ұстанатындығына қарамастан, адамдар бір-біріне құрметпен қараса, жақсы, тұрақты диалог құра алады.
Әрбір спорттық турнирлерде мұндай кездесулер денсаулықты жақсарту үшін ғана емес, түрлі конфессиялар мен діндер өкілдерінің достық қарым-қатынастарын нығайту үшін қажет дейді қатысушылар. Жарыстар соңында жеңімпаздар мен жүлдегерлер марапатталды
Фарида Бықай
«Егемен Қазақстан»
Павлодар
Суретті түсірген Гүлнәз Мақсұтқызы