Еркін елдің ерікті таңдауы

Барша қазақстандық жас­тар Елбасы Нұрсұлтан Назарбаевтың құн­дылығы зор бағдарламалық мақа­ла­сынан үлкен жігер, болашаққа деген сенім алды! Президентіміз «сынаптай сырғыған уақыт ешкімді күтіп тұрмайды, жаңғыру да тарихтың өзі сияқты жалғаса беретін процесс» деп жастарды заман талабына сай жан-жақ­ты болуға үндеді. «Болашаққа бағ­дар: рухани жаңғыру» мақаласы арқылы Н.Ә.Назарбаев дамыған 30 ел­дің қатарына қосылу жолында жас­тардың қосар үлесі орасан зор маңызға ие екендігін баса көрсетті. Ұлт­­тық құндылықтарды дәріптеу әр­қа­­шан ана тілді қастерлеуден бастау ала­ды. Әлемдегі инновациялық жаңа­шыл­дықтардың барлығы ең алдымен латын графикасында шығады. Яғни  бұл ақпаратты технологияларды жетік меңгерген жастарға ыңғайлы тәсіл екені анық.

 Латын әліпбиіне көшу – біздің тәуелсіз еліміздің ерікті таңдауы. Қазақ халқының иірімі мол, құнарлы тілі өзгеріске де өте икемді. Бүгінгідей қай­­та жаңғыру талабы қойылып отыр­ған­да, ғылым мен техниканың көз ілес­пес жылдамдықпен дамып бара жат­қ­ан кезеңінде пайда болып отыр­ған жаңа терминдер мен атаулар дәл осы латын таңбасына қолайлы екенін аңдатып отыр. Қазіргі заманауи ғылымның тілі де латын қарпімен тікелей байла­ныс­ты. Ағылшын тілінің үстемдігі дәу­ірлеп отырған заманда ақпарат пен әдебиеттің тілі де осы латын болып отыр, жер-жаһанның хал­қы техника мен руханияттың жаңа­лы­ғын осы таңба арқылы түсінеді. Ен­деше бу­ырқанысқа толы бүгінгідей жаһан­да­ну үдерісінен қазақ қоғамы да сырт қала алмайды. 24 сағат өмірі компьютермен байланысты жастардың латын әрпін ауырсынбай қабылдап, қол­дайтынына еш күмәнім жоқ. Жаңа биік­ке секіріс жасағалы тұрған бұл қа­да­мның қазыналы тілімізді одан әрі бай­ытып, қолданыс аясын кеңейте тү­сетіні сөзсіз.

Еркебұлан ДАЙЫРОВ,

актер, Қазақстан Жастар одағы «Серпер» жастар сыйлығының лауреаты

Алматы