1 желтоқсан күні түнгі 02:00 кезінде «Ертіс орманы» мемлекеттік орман табиғи резерватының мемлекеттік инспекторлары Павлодар облысы Лебяжі аудандық ІІО-ның қызметкерлерімен бірлесе отырып «Ертіс орманы» МОТР Бесқарағай филиалының Байымбет орманшылығы аумағында «Ниссан Патрол» автокөлігімен заңсыз аң аулаған 4 адамды ұстады. Олардың біреуі «Ертіс орманы» МОТР Табиғи кешендер мен объектілерді қорғау бөлімінің басшысы болып шықты. Бұл туралы ҚР Ауыл шаруашылығы министрлігінің баспасөз қызметі хабарлады.
Автокөліктен заңсыз атылған 1 бас бұлан мен 1 бас елік табылды. Браконьерлік топ қолданған қаруларымен қоса Павлодар облысы Лебяжі аудандық Ішкі істер органына жеткізілді.
Қазіргі уақытта Лебяжі аудандық ІІО қызметкерлерімен кінәлі тұлғаларға қатысты сотқа дейінгі тергеу іамалдары жүргізілуде.