17 желтоқсан күні республика аймақтарында жауын-шашынсыз күн райы сақталады. Кей жерлерде жел күшейіп, тұман болады. Бұл туралы «Қазгидромет» РМК хабарлады.
Атап айтқанда, Алматы облысының Алакөл ауданында желдің екпіні 18-23 м/с күшейеді, күндіз 28 м/с жетуі ықтимал. Түнде кей аумақтарда тұман болады.
Ақмола, Жамбыл, Оңтүстік Қазақстан, Қызылорда, Маңғыстау, Қостанай, Солтүстік Қазақстан, Павлодар, Қарағанды, Шығыс Қазақстан облыстарының кей жерлерінде тұман күтіледі.