20 желтоқсанда Қазақстанның басым бөлігінде ауа райы жауын-шашынсыз, тек оңтүстік және оңтүстік шығыста ауа ағындарының өтуіне байланысты жауын-шашын болуы ықтимал.
Қазгидрометтің хабарлауынша, оңтүстік және оңтүстік шығыста көктайғақ болып, жел күшейеді. Оңтүстік Қазақстан облысының кей жерлерінде тұман түседі, көктайғақ, желдің жылдамдығы 15-20 м/с жетеді. Жамбыл, Қызылорда, Маңғыстау, Қостанай, Солтүстік Қазақстан, Павлодар, Қарағанды, Шығыс Қазақстан облыстарының кей жерлерінде тұман күтіледі. Жамбыл облысында көктайғақ болады.