Кеше Премьер-Министр Кәрім Мәсімов Еуропалық одақтың Қазақстандағы өкілдігінің басшысы Норбер Жустенді қабылдады.
Айта кету керек, кездесу Н.Жустеннің дипломатиялық миссиясының аяқталуы қарсаңында өтті.
Әңгіме барысында Еуроодақпен сауда-экономикалық ынтымақтастықты дамыту, Қазақстанның Еуроодақ елдерімен кеңейтілген серіктестігі туралы келісім жасау мәселелері талқыланды.
Cондай-ақ, Еуроодақтың біздің еліміздің негізгі сауда және инвестициялық серіктесі екендігі атап көрсетілді. Тараптар «Еуропаға жол» мемлекеттік бағдарламасын жүзеге асыру барысында біраз ілгерілеушіліктерге қол жеткізілгенін және Еуроодақ стратегиясының Орталық Азия елдері үшін табысты екенін атап өтті.
«Егемен-ақпарат».