Кеше Парламент Сенатының Төрағасы Қайрат Мәми БҰҰ Жоғарғы комиссарының Босқындар істері жөніндегі басқармасының Орталық Азиядағы Аймақтық үйлестірушісі/Аймақтық өкілі Сабер Азамды қабылдады, деп хабарлады Парламент Сенатының баспасөз қызметі.
Кездесу барысында Қазақстан мен БҰҰ ЖКББ-ның өзара іс-қимылын одан әрі дамыту мәселелері талқыланды. «Босқындарға қатысты оқиғаларды тұрақтандыруға және жақсартуға бағытталған БҰҰ БЖКБ қызметін Қазақстан жоғары бағалайды», – деді Қ.Мәми.
Кездесу барысында Төраға адам құқықтары, оның ішінде босқындар мен көшіп келушілердің құқықтарын сақтау саласындағы мемлекеттік саясат міндеттерінің басымдығын атап өтті.
Әңгіме барысында С.Азам да Қазақстан мен БҰҰ ЖКББ-ның босқындар және көшіп келушілер мәселелері жөніндегі жан-жақты ынтымақтастығын жақтайтыны туралы айтты.