“Нұрлы көш” бағдарламасы Шығыс Қазақстан облысында тиімді жүзеге асырыла бастады. Өскемен қаласы шетіндегі Шығыс ауылында биыл 363 отбасы қоныс тойын тойлады. Мұндай жағымды жәйт Курчатов қаласында да жалғасын тапты. Бағдарламада қамтылған оралмандарға бұрынғыдай үй алуға деп азын-аулақ ақша берілмейді. Тек әлеуметтік көмек көрсетіледі.
Курчатов қаласына қоныстанатындарға жөндеуден өткен, барлық жағдайы жасалған пәтер-үйлер мен әр отбасындағы екі адамға мамандықтарына сай жұмыс беріледі. Бұрынғы квота бойынша берілетін ақша пәтер бағасына ұстатылады. Пәтер бағасы үшін банктен алған несие 15-20 жыл ішінде жеңілдетілген пайызбен төленеді. Оларға пәтер дайындау ісімен «Ертіс» ӘКК» ҰҚ» АҚ айналысуда. Курчатов қаласындағы 4 тұрғын үйге «Ертіс» ӘКК 760 млн. теңге көлемінде толық жөндеу жұмыстарын жүргізді.
Оңдасын ЕЛУБАЙ.
Шығыс Қазақстан облысы.