Қазақстанның іскер әйелдер қауымдастығы Наурыз мерекесін өткізді

Іс-шараға Қазақстан Рес­публикасының еңбек сіңірген әртісі Майра Ілияс­қызы, еліміздегі түрлі ел­шіліктердің мүшелері, «Нұр Орда» фольклорлық ансамблі қатысты.

– Наурыз мерекесін соңғы он жыл бойы үзбей тойлап келеміз. Бұл халқымыздың ұлық мерекесі. Бұл жиынға еліміздегі шетелдік елші­лердің отбасылары да қа­ты­сып отыр. Сондықтан не­­­­гіз­­гі мақсатымыз – ұлық мей­­­рамымызды ұлықтап қа­на қоймай, шетелдік қо­нақ­­тарға төл мерекемізді, салт-дәстүрімізді кеңінен та­­­­ныстыру, насихаттау, – деді іскер әйелдер қауымдас­тығының басшысы Раушан Сәрсембаева.

Бұл мейрам жер мен көк­тің бусанып, қыстай жауған қардың көбесі сөгіліп, күн күн мен түн теңелген уа­қыт­та тойланған. Өткенге көз жүгіртер болсақ, дана хал­­­­қымыз ұлық мерекені бір ай­ға дейін атап өткен екен. Ұйымдастырушылар осы­ны негізге ала отырып, ар­қа төріндегі күн жылынған сәт­ті күткен болса керек.

Салтанатты жиынның негізгі бөлігінде «Нұр Орда» ансамблі жиналған қауымға күйден шашу шашты. Со­ны­мен қатар құда түсу, қыз­дың жасауын дайындау, секілді салт-дәстүрімізден кө­ріністер қойылды. Ал Майра Ілиясқызы вальс ко­ролі Шәмші Қалдаяқовтың «Бақыт құшағында», «Шақы­рады көктем» әндерін орындап, көрермендерді ыстық ықыласқа бөледі.

– Бұл жиында Нау­рыз­дың ең басты құндылық­тары насихатталады.  Сон­дай-ақ ұрпақтар сабақтас­тығы сақталмақ, яғни мұн­да еңбектеген баладан, ең­кей­ген қартқа дейін қаты­­сып отыр. Үлкенге құр­мет, кішіге ізеттіліктің үлгі­сін­ әйгілемекпіз, – деді Қа­зақ­стан Республикасы Прези­ден­­тінің жанындағы Әйелдер істері және отбасылық-демо­графиялық саясат жөнін­дегі ұлттық комиссия төрайы­мының орынбасары Ләззат Сүлеймен.

Бұл кештің ерекшелігі сол, ұйымдастырушылар келген қонақтардың құрме­тіне арнап сән көрсеті­лімін, ұтыс ойындарын өткізді. Сән көр­сетілімі барысын­да әдемі тігілген бас киім, көйлек ие­лері түрлі сый­лықтармен марапатталды. Ал ұтыс ойындары кезін­де ағылшын тілін тегін үйре­ну курстарына, балалар күті­міне арналған түрлі сертификаттар, өзге де бағалы заттар табыс етілді.

Аян ӘБДУӘЛИ, «Егемен Қазақстан»