Баспасөз, радио және интернет-журналистика саласындағы мамандарға «Үркер» ұлттық сыйлығы табысталды. «Үздік республикалық баспасөз басылымы» аталымының жүлдесін «Egemen Qazaqstan» газеті иеленді.
Ұлттық премия баспасөз, радио және интернет-журналистика саласында үздік жетістікке жеткен сондай-ақ өңірлерде мультимедиалық журналистиканы дамытуға үлес қосып жүрген, әрі журналистиканың беделін көтеруге атсалысқан, сондай-ақ қоғамның азаматтық белсенділігін көтеруге үлес қосып жүрген мамандарға берілді.
Сыйлықтың негізгі мақсаты – талантты журналистер мен үздік шығармашылық ұжымдарды анықтау, олардың кәсіби журналистиканы дамытуға қосқан үлестерін саралау және шығармашылық адамдарының елеулі еңбегіне қоғам назарын аудару.