ҚР ҰҚК Төрағасы Кәрім Мәсімов, ұлттық қауіпсіздік органдарының ардагерлері және ата-аналардың қатысуымен ҰҚК Академиясында тыңдаушыларды шығарып салудың кезекті салтанатты іс-шарасын өткізді, деп хабарлайды Комитеттің баспасөз қызметі.
Бітірушілерге алғашқы «ұлттық қауіпсіздік лейтенанты» офицерлік атағы берілді.
ҰҚК Төрағасы К.Мәсімов жас лейтенанттарға: нақ сіздердің қызметтеріңізбен қазақстан қоғамындағы – кіршіксіз адалдық және шексіз ерлік, жоғары кәсібилік, Отан алдындағы парыз жолында батыл және жанын қиюға дайын ҰҚК офицері бейнесіне байланысты болатынын баса айтты.
Академияның профессорлық-оқытушы құрамына кадрларды дайындауға, көпсалалы жоғарғы оқу орнының қалыптасуы мен дамуына қатысқан барша адамдарға алғыс білдірді.
Іс-шара бітірушілердің салтанатты маршымен және «Мен қазақпын» әнінің орындалуымен аяқталды.