Орталық Азия елдеріне Ауғанстаннан төнетін террористік қауіп-қатерлер ұлғаюы осы елге Сирия және Ирактан шетелдік террористердің қоныс аударуымен байланысты. Бұл туралы БҰҰ Бас хатшысының орынбасары Владимир Воронков БҰҰ Қауіпсіздік Кеңесінің «Террористік актілерден халықаралық бейбітшілікке төндіретін қауіптер» атты отырысында өз сөзінде атап өтті, деп хабарлады Қазақстан Республикасы Сыртқы істер министрлігінің баспасөз хабарламасы
В. Воронков БҰҰ Қауіпсіздік Кеңесінің мүшелеріне БҰҰ Бас хатшысы Антониу Гутерриштің ИЛИМ/ДАИШ террористік ұйымынан халықаралық бейбітшілікке және қауіпсіздікке қауіп-қатерлері және БҰҰ-ның мүше-мемлекеттерге осы қауіп-қатерлеріне қарсы әрекеттерге көрсетіп жатқан қолдаулары туралы 7-ші баяндамасын ұсынды.
Отырыс барысында Қазақстанның БҰҰ жанындағы Тұрақты өкілі Қайрат Омаров терроризмге қарсы күрес үшін халықаралық, өңірлік және ұлттық деңгейде күш-жігерлерді біріктіруге шақырып, басым мақсаты ретінде жастар арасында терроризмді және экстремизмді таратудың алдын алуды атады.
Қ.Омаров, сондай-ақ Қазақстанның бірқатар нақты ұсыныстарын атап өтті. Олардың ішінде Мемлекет басшысы бастамашылық еткен аталған қауіп-қатермен күресу үшін БҰҰ-ға мүше мемлекеттердің көпжақты саяси міндеттемесі ретіндегі «Терроризмнен еркін бейбіт әлемге қол жеткізу үшін әрекет кодексін» қабылдау ісі бар.
Сонымен қатар есірткінің заңсыз айналымы, табиғи ресурстар мен мәдени артефактілерді заңсыз сатуға, сондай-ақ терроризмді қаржыландырудың негізгі көздері болып табылатын жаңа технологиялар мен төлем әдістерін қатаң бақылау мен жолын кесуге ерекше назар аударылды.
Аймақтық және халықаралық дерек қорлары арасында террористерге қатысты биометриялық ақпараттармен алмасуды күшейту қажеттілігі айтылды. Бұл өз жағынан деструктивті топтар мен жеке тұлғалар туралы уақтылы ақпарат алуға, сондай-ақ интернет желісіндегі террористік идеяларды таратуын алдын алудың маңыздылығы баса атап өтілді.
Қазақстанның Тұрақты өкілі, сондай-ақ террористік қауіп-қатер деңгейі жоғары елдерде тұрақты экономикалық дамуына және террористік әрекетіне қатыстыруға балама ретінде ең алдымен жастарды жұмыс орындармен қамтамасыз ету қажеттілігіне назар аударды.