Талдықорған қаласының «Жастар» спорт кешенінде 28 тамыз бен 2 қыркүйек аралығында ауыр атлетикадан ерлер және әйелдер арасында жеке-командалық жарыс бойынша ел чемпионаты өтеді.
Биылғы Қазақстан чемпионатына Олимпиада чемпиондары мен жүлдегерлері, сондай-ақ әлемдік және құрлықтық біріншіліктердің жеңімпаздары қатысады. Атап айтар болсақ, олардың ішінде Нижат Рахимов, Жазира Жаппарқұл, Александр Зайчиков, Денис Уланов, Карина Горичева және басқа да атлеттер бар. Сондай-ақ допингке байланысты жарысқа қатысу құқығынан уақытша шеттетілген Илья Ильин мен Зүлфия Чиншанло да ел чемпионатына қатысады.
Әли БИТӨРЕ, «Егемен Қазақстан»