Биыл Шығыс Қазақстан облысындағы Алакөл жағалауында 600 мыңнан астам саяхатшы демалған. Мамандардың айтуынша, бұл – рекордтық көрсеткіш.
Туристердің 10 мыңы пойызбен, 6 мыңы ұшақпен, 40 мыңға жуығы автобустармен, ал қалғандары жеке көліктерімен келген. Былтыр 147 демалыс орны қызмет көрсетсе, биыл олардың саны 20 пайызға көбейген.
Соңғы 3 жылда көл жағалауын абаттандыру мен инфрақұрылымды жақсартуға мемлекет қазынасынан 5 миллиард теңгеге жуық қаржы бөлінді. Ал жеке кәсіпкерлер жаңа нысандарды тұрғызуға 200 миллионнан теңгеден аса қаражат бөлген.