Алматыдағы «Достық» спорт кешенінде гандболдан қыздар арасындағы үшінші Азия чемпионаты аяқталды.
Қазақстан, Иран, Үндістан және Өзбекстан елдерінен 6 команда қатысқан тартысты әрі қызықты өткен чемпионаттың қорытындысы бойынша «Алматы» командасының арулары алдарына жан салмады. Алматылық қыздар бес ойында 10 ұпай жинап, чемпиондық атаққа қол жеткізді.
Екінші және үшінші орындарға Қызылорданың «Қайсар» мен «Астана» командалары жайғасты.
Дайындаған Әли БИТӨРЕ,
«Егемен Қазақстан»